Cristiano Ronaldo është duke shpresuar që të ribashkohet me Zinedine Zidanen në një të ardhme shumë të afërt.
Sipas asaj që raportojnë mediat në Itali, portugezi ka kontakte të vazhdueshme me strategun e Real Madridit.
Besohet se Ronaldo po tenton të bind Zidanen që të rikthehet te Juventusi, pasi në të kaluarën edhe francezi kishte luajtur për Binakonerët.
Zizou ka edhe 18 muaj kontratë me Los Blancos, mirëpo largimi i tij mund të ndodhë në këtë verë.
Në anën tjetër, Andrea Pirlo është ende i papërvojë dhe në rast se nuk arrin të fitojë titullin në këtë edicion, atëherë me gjasë do t’i lirojë vendin Zidanes.
Ronaldo po tenton të bind bordin e klubit që të transferojë francezin, duke ditur se ai tashmë ka përvojë të madhe, sidomos në Ligën e Kampionëve. /Telegrafi/