Cristiano Ronaldo i ka falënderuar fansat e Juventusit për duartrokitjet pas goli të jashtëzakonshëm të shënuar në ndeshjen që Real Madrid e fitoi 3-0.
Pesë herë fituesi i Topit të Artë shënoi njërën nga golat më të mirë në histori të Ligës së Kampionëve.
“Ishte një moment i pabesueshëm”, ka thënë 33 vjeçari për UEFA.com.
“Më duhet tu them faleminderit, Grazie, të gjithë tifozëve të Juventusit. Ajo që bënë për mua ishte e mahnitshme”.
“Nuk më ka ndodhur kurrë në karrierë dhe jam shumë i lumtur për këtë”, deklaroi sulmuesi më i mirë në histori të kësaj gare.
Cristiano Ronaldo thanking Juve fans for that standing ovation after his amazing goal #Respect #UCL #JuveReal #HalaMadrid https://t.co/WIuixiauBD
— Eliane Dagher (@DagherEliane) April 3, 2018
Ronaldo u bë lojtari i parë që ka shënuar në 10 ndeshje radhazi të Ligës së Kampionëve.
Ai me fanellën e Real Madridit ka shënuar hiq më pak se 39 gola këtë sezon edhe pse për shumë kohë ishte i lënduar. /Telegrafi/
Ronaldo bicycle kick from the stands
— Troll Football Media (@Troll__Footbal) April 3, 2018