Cristiano Ronaldo po përpiqet të punësojë një kuzhinier për të përgatitur ushqim për të dhe familjen e tij në “shtëpinë e tyre të përhershme” – por e ka të vështirë ta gjejë dikë për t’i përmbushur kërkesat e tij – ka mësuar MailOnline.
Pesë herë fituesi i Topit të Artë ka probleme për të rekrutuar dikë që të gatuajë për të dhe të dashurit e tij në shtëpinë prej 19.5 milionë eurosh që po e ndërton në rivierën portugeze
Rezidenca, e cila do të përfundojë në qershor, është quajtur shtëpia e pensionimit të Cristianos pasi pritet ta bëjë rezidencën kryesore të familjes sapo të pensionohet nga futbolli aktiv.
Disa nga vendet e lira të stafit të lidhura me pallatin e ri, duke përfshirë një kujdestar me 5.500 euro në muaj, thuhet se janë plotësuar tashmë, por roli i kuzhinierit mbetet vakant.
E përditshmja portugeze Correio da Manha për problemin i ka fajësuar kërkesat e bëra nga Rondaldo dhe partnerja e tij, modelja dhe influencuesja spanjolle Georgina Rodriguez, që thuhet se sillen rreth njohurive se si të gatuash ushqim tradicional portugez, si dhe më shumë ushqime ndërkombëtare, si sushi.
Reprezentuesi portugez besohet se ka projektuar në mënyrë specifike një zonë në rezidencën e tij të re në Rivierën Portugeze për përgatitjen e delikatesës japoneze. Por, çështja se kush do të përgatisë sushi dhe ushqime të tjera për të, partneren dhe pesë fëmijët e tyre, thuhet se po i shkakton kokëçarje të vërtetë.
37-vjeçari nuk arrin ta gjejë njeriun e duhur përkundër se ofron mbi 5.000 euro në muaj për dikë që do t’i përgatitë ushqimet e tij të preferuara. /Telegrafi/