Cristiano Ronaldo mund të largohet nga klubi italian, Juventusi, në fund të sezonit.
Sipas mediumit italian Radio Rossonera, ylli portugez dhe Zonja e Vjetër mund t’i ndajnë rrugët në fund të sezonit 2019/20.
Thashethemet filluan të shfaqen në muajin maj që 35-vjeçari po mendonte të largohej nga klubi, dhe ato thashetheme kanë vazhduar edhe tani në verë.
Megjithatë, destinacioni i radhës për sulmuesin portugez nuk është përmendur dhe e ardhmja e tij mbetet e paqartë.
Ronaldo ka shënuar 53 gola në 75 paraqitje për Juventusin që nga koha kur u bashkua me gjigantët në Serie A nga Real Madridi në verën e vitit 2018. /Telegrafi/