Drejtori sportiv i Juventusit, Fabio Paratici ka folur për të ardhmen e sulmuesit të tyre, Cristiano Ronaldo.
Emri i yllit portugez ka qenë shumë i përfolur javëve të fundit duke u lidhur me një transferim te Paris Saint-Germain dhe Manchester Unitedi.
Përveç këtyre skuadrave, ditëve të fundit është përfolur edhe një rikthim i Ronaldos në Santiago Bernabeu.
Sipas gazeta Marca që sugjeroi sot (e shtunë) që Ronaldo mund të jetë duke kërkuar një ribashkim me Real Madrid.
Megjithatë, drejtori sportiv i Juventusit, Paratici ka mohuar një largim të lojtarit nga Torino.
“Çdo ditë lojtarët tanë lidhen me klube të ndryshme, kështu që ne nuk i kushtojmë shumë vëmendje”, ka thënë Paratici. /Telegrafi/