Legjenda braziliane e futbollit, Pele, ka thënë se është i lumtur kur e sheh Cristiano Ronaldon duke shënuar kaq shumë gola, por yllit të Real Madridit i duhet edhe shumë kohë që të arrijë në nivelin e tij.
Ronaldo shënoi het-trik në ndeshjen që Portugalia e fitoi 5-1 ndaj Ishujve Faroe, duke shënuar golin e 78-të për kombëtaren e tij duke e kaluar Pelen.
“E pash golin, ishte shumë speciale. Zhvilloi një ndeshje mjaftë të mirë”, ka thënë Pele.
Brazili ka shënuar 77 gola në 92 ndeshje, ndërsa ka fituar tri Kupa të Botës në vitet 1958, 1962 dhe 1970).
Ronaldo e ka kaluar Pelen, por të 78 golat i ka arritur në 145 ndeshje për Portugalinë.
“Natyrisht janë kohë të ndryshme. Por e bukura e futbollit mbesin golat. Dhe dua ta shfrytëzojë rastin që ta urojë Ronaldon për këtë fitore”, ka thënë Pele për Goal.com.
Por Pele gjithmonë lë hapësirë për komentim duke thënë në fund që Ronaldos i duhet të shënojë mbi 1283 gola në karrierë që ta arrijë atë. /Telegrafi/