Cristiano Ronaldo nuk shtë lojtari më i mirë në botë sepse ai është egoist, ndërkaq kështu nuk është Messi, pohon ish-mbrojtësi i Barcelonës, Dmytro Chygrynskiy.
Golashënuesi më i mirë i të gjitha kohërave për Realin ka fituar katër Topa të Artë dhe pritet që t’i bashkohet Messit duke e bërë edhe të pestin.
Sidoqoftë, ukrainasi i cili kaloi një vit përkrah Messit në Camp Nou para rikthimit te Shakhtari ka lëvduar ish-bashkëlojtarin.
“Cristiano është shënues i mirë, por ai nuk është më i miri në botë për shkak se është egoist”.
“Messi është ndryshe, ai gjithmonë mendon për ekipin”, u shpreh lojtari për Cadena Ser.
Ronaldo ka pasur probleme në shënim këtë sezon duke shënuar vetëm një herë në shtatë paraqitje në La Liga për Realin.
Ndërkaq, Messi kryeson listën e realizatorëve me 12 gola duke ndihmuar Barcën të jetë lidere me tetë pikë më shumë se Reali. /Telegrafi/