Portugalia ka njoftuar se Cristiano Ronaldo ka rezultuar pozitiv me coronavirus.
Në testimet e fundit të bëra nga kombëtarja portugeze, ka rezultuar se ylli i tyre më i madh është i infektuar me virusin global.
Portugalia ka njoftuar se 35-vjeçari do të qëndrojë në vetëizolim për dhjetë ditë e më pas të rikthehet te Juventusi.
Cristiano Ronaldo has tested positive to Coronavirus, as Portugal official statement announced. #Covid19
— Fabrizio Romano (@FabrizioRomano) October 13, 2020
“Ai është mirë dhe pa simptoma, duke qëndruar në izolim”, thuhet në njoftimin e portugezëve.
Por, rrezikon mundësia që te portugezët të ketë edhe më shumë të infektuar, duke ditur se Ronaldo ka qenë në kontakt edhe me lojtarët e tjerë.
Para pak ditësh, ylli i Zonjës së Vjetër ka postuar një fotot në rrjetet sociale ku shihet duke drekuar me bashkëlojtarët e tjerë të Portugalisë. /Telegrafi/