Cristiano Ronaldo ka dhënë mendimin e tij në lidhje me finalen e Ligës së Kampionëve.
Real Madrid do të ndeshet në finalen e madhe të Ligës së Kampionëve ndaj Juventusit, e cila zhvillohet me 3 qershor në qytetin e Cardiffit.
Sipas yllit portugez të Realit, Ronaldos, Liga e Kampionëve është objektivi i gjithë skuadër pasi do të bënin histori po ta fitonin dy herë radhazi.
Ronaldo gjithashtu theksoi se kjo do të jetë një ndeshje e vështirë dhe gjasat për të fituar janë 50 për qind, pasi Juventusi është ekip i shkëlqyer që ka fituar Kupën dhe Ligën e Italianë.
“Liga e Kampioneve? Është një objektiv që të gjithë lojtarët e Real Madrid dëshirojnë të arrijnë”, ka thënë fillimisht Ronaldo.
“Ne duam të bëjmë histori dhe, nëse fitojmë, do të bëhemi skuadra e parë që do të fitojmë trofeun dy herë radhazi, në formatin e ri të Ligës së Kampionëve. Është një ambicie dhe një ëndërr për ne”, përcjell Telegrafi.
“Ne e dimë se do të jetë një lojë shumë e vështirë, por ne jemi Real Madridi dhe kemi një shans të mirë për të fituar”.
“Do të jetë shumë e ngjashme me finalet e mëparshme, gjithmonë keni një shans 50 për qind dhe të dyja skuadrat do të përpiqen të përfitojnë nga gabimet e njëri-tjetrit, por shpresoj të fitoj sepse do të ishte e jashtëzakonshme”.
“Ekipi që bën numrin më të vogël të gabimeve ndoshta do të fitojë. Unë shpresoj se ekipi është Real Madridi”, shtoi portugezi.
“Do të jetë një lojë shumë emocionuese, të gjithë do ta shohin atë dhe lojtarët duan të kënaqen në fushë. Pritjet janë të larta dhe ekipi ka besim”.
“Juve? Ata janë një ekip i shkëlqyer, ata nuk janë në finale rastësisht, ata fituan Ligën dhe Kupën Italiane”, përfundoi ylli portugez. /Telegrafi/