Cristiano Ronaldo ka evituar humbjen e parë të Juventusit këtë sezon, pasi Bianconerët sgiuruan së paku një barazim me rezultat 2-2 në stadiumin Atletico Azzuri d’Italia ndaj Atalantas.
Sfida filloi në një atmosferë të shkëlqyer në Bergamo, aty mijëra tifozë u mblodhën për të përcjellur një prej dueleve kryesore të kësaj mesjave në Serie A.
Cristiano Roanldo e filloi sfidën nga stoli dhe boshllëku i prezencës së tij ishte i ndjeshëm.
Me të filluar takimi, Berat Xhimshiti ishte fytyrë tragjike pasi shënoi një autogol për t’i dhënë epërsinë Juventusit pas vetëm dy minutash lojë.
Në vazhdim Atalanta bëri shumë përpjekje dhe sulmoi portën kundërshtare, e pas disa rasteve e gjeti golin.
Duvan Zapata me anë të një goditje të shkëlqyer nga 25 metra arriti që të shokojë portën Bianconere për të barazuar rezultatin në 1-1.
Zapata with the equalizer!!! What a finish!! 1-1 at Stadio Atleti Azzurri d'Italia!! #tlnsoccer #AtalantaJuve #SerieA pic.twitter.com/EJsEQdDExz
— TLN TV (@TLNTV) December 26, 2018
Me të filluar pjesa e dytë mysafirët nga Torino mbetën me një lojtar më pak në terren kur Bentancur ndërhyri ashpër për kartonin e dytë të verdhë të tij (53′).
https://twitter.com/atalantageese/status/1077947563750285313
Vetëm tri minuta më vonë nga një harkim i Gomez në zonë prej afërsisë Duvan Zapata shënoi golin e tij të dytë në këtë takim dhe gëzimin e tifozëve vendas (56′) për 2-1.
Cristiano Ronaldo u inkuadrua në këtë takim në minutën e 65-të dhe bëri dallimin.
Pas një harkimi nga Pjanic prej këndit, Ronaldo u gjend mirë në afërsi për të shënuar me kokë për 2-2 në minutën e 78-të të takimit.
https://twitter.com/JuveGrit/status/1077952402463043585
Deri në fund Juventusi bëri përpjekje dhe gjeti golin, kur Bonucci nga afërsia shënoi, por goli u anulua për pozitë jashtë loje.
Juventusi kështu arrin të evitojë humbjen e parë të sezonit falë Cristiano Ronaldos, dhe barazon vetëm për herë të dytë në këtë sezon, duke qëndruar në vendin e parë me 50 pikë, nëntë më shumë se Napoli që udhëton te Interi në Meazza sonte mbrëma. /Telegrafi/