Më 8 shtator këngëtarja Rona Nishliu i dha fund beqarisë, duke kurorëzuar lidhjen e saj disa vjeçare me martesë.
Këtë gjë këngëtarja shqiptare e bëri në një ceremoni private në Tiranë, ndërsa ka mbajtur larg vëmendjes së medieve bashkëshortin e saj, Florin.
Pas martesës, çifti u nisën drejt Italisë për të kaluar muajin e mjaltit.
Nga fotografitë e publikuara në rrjetin social Instagram, Rona u ka treguar ndjekësve të saj për momentet e këndshme që është duke kaluar atje.
Për martesën e tyre, çifti mesa duket janë përshëndetur edhe nga kryeministri i Shqipërisë, Edi Rama, i cili iu ka dërguar një dhuratë.
Në disa imazhe të hedhura në InstaStory, këngëtarja Nishliu bën të ditur dhuratën që ka pranuar nga kryeministri i Rama, e që është një shishe verë, në të cilën janë të stampuara edhe simbolet e Shqipërisë.
“Faleminderit për kujdesin tuaj dhe të institucionit”, ka shkruar ajo në mbishkrimin e fotografisë në shenjë falënderimi. /Telegrafi/
