Pronari i Chelseat, Roman Abramovich thuhet se nuk është në gjendje t’i paguajë qiranë e kërkuar prej 12 mijë euro për Mbretëreshën Elizabeth mbi tokën ku është ndërtuar rezidenca e tij.
Oligarku miliarder u godit me sanksione të rënda nga qeveria e Mbretërisë së Bashkuar javën që lamë pas, gjë që pa asetet e tij, përfshirë klubin e futbollit Chelsea, të ngrira për marrëdhënien e tij të dyshuar me Vladimir Putin dhe Kremlinin.
Por, problemet vazhdojnë për biznesmenin rus pasi ai dyshohet se nuk është në gjendje të paguajë qiranë për tokën që i përket mbretëreshës në të cilën ndodhet rezidenca e tij prej 110 milionë eurosh.
Sipas Wall Street Journal, Abramovich është në rrezik të humbjes së një aseti tjetër të konsiderueshëm në tokën e Mbretërisë së Bashkuar.
Shtëpia me 15 dhoma e Abramovich në Londër është në këmbë larg Pallatit Kensington, shtëpia e Princit William.
Oligarku është pronar i rezidencës mega mahnitëse, por i detyrohet Mbretëreshës një shumë prej 12,000 euro në vit nën një qira 125-vjeçare për shkak të tokës që i përket Crown Estate.
Shuma thuhet se do të rritet në 165,000 euro në vit në një datë të mëvonshme.
Por, ndërsa pasuria e tij e madhe më parë nënkuptonte se qiraja nuk ishte problem, sanksionet që pengonin pranimin e parave të oligarkëve e kanë vendosur Abramovich në një situatë tjetër të vështirë.
Pronari i Bluve ishte në dijeni të rrezikut në muajt e fundit dhe tentoi ta shiste pronën pa sukses.
Kuptohet se nëse sanksionet mbeten në fuqi dhe Abramovich nuk është në gjendje të paguajë mbretëreshën, Crown Estate mund ta padisë atë dhe të konfiskojë pronën.
Kjo vjen pas paaftësisë së rusit për të shitur Chelsean, ndërkohë që klubi është gjithashtu jashtëzakonisht i kufizuar në burimet e të ardhurave dhe shpenzimeve.
Abramovich pësoi më shumë poshtërim këtë javë pasi u skualifikua si drejtor i ekipit të Stamford Bridge nga Liga Premier. /Telegrafi/