Roma është duke tentuar që në verë ta transferojë Hakim Ziyechun nga Ajaxi, ndërsa vlera e tij në tregun e transferimeve besohet të jetë rreth 35 milionë eurove.
Skuadra italiane kishte tentuar ta transferonte sulmuesin maroken edhe muaj më parë, por ish-drejtori Monchi kishte deklaruar se 40 milionë euro janë një shumë e lartë për ta.
Sidoqoftë, Ziyech ka bërë të ditur se është i gatshëm që të largohet nga Ajaxi në këtë afat kalimtar veror, derisa holandezët kërkojnë 35 milionë euro.
Paulo Fonseca thuhet se është adhurues i lojës së marokenit, mirëpo është skuadra italiane ajo që tani duhet të vendosë nëse do ta transferojë apo jo.
Ziyech në sezonin që sapo përfundoi, ka arritur të shënojë 21 gola dhe ka bërë 24 asistime në 49 paraqitje në të gjitha garat për Ajaxin.
Marokeni me skuadrën holandeze arriti deri në gjysmëfinale të Ligës së Kampionëve për t’u eliminuar më pas nga Tottenham Hotspur, gjersa po kërkohet edhe nga Arsenali. /Telegrafi/