Roma dhe Barcelona asesi të gjejnë paqe mes vete.
Fillimisht klubi italian e eliminoi Barcelonën nga Liga e Kampionëve me një rikthim fantastik nga 1-4 në 3-0.
Golin e fitores për Romën e shënoi qendërmbrojtësi grek Kostas Manolas.
Ndërkohë gjatë afatit kalimtar veror Barcelona u hakmarrë duke ia marrë nga dora Romës sulmuesin brazilian Malcom.
Telenovela Roma – Barcelona po vazhdon edhe në rrjetet sociale.
Pas hedhjes së shortit në Ligën e Kampionëve, Roma ka reaguar duke ngacmuar kataluansit.
Klubi italian nëpërmjet ‘Twitterit’, ka publikuar golin e Kostas Manolas me një mbishkrim interesant.
“Presim duartrokitje para ndeshjes në Santiago Bernabeu për këtë njeri”, ka shkruar Roma duke iu referuar Manolasit.
Kjo ka bërë që ky postim i Giallorosëve të shpërndahet jashtëzakonisht shumë, dhe është një tjetër ngacmim për Barcelonën.
Ata që kanë shpërndarë më së shumti postimin kanë qenë tifozët e Realit, klub rival me katalunasit. /Telegrafi/
Expecting a standing ovation for this man before the match at the Santiago Bernabéu pic.twitter.com/fuhJ8FNmSK
— AS Roma English (@ASRomaEN) August 30, 2018