Roma blindon mbrojtjen, Smalling do të rikthehet në kryeqytet, gati edhe transferimi i Armando Izzos
Roma është duke tentuar ta bëjë një skuadër të fortë për edicionin e ri.
Giallorosët nuk kanë marrë pjesë që dy vite në Ligën e Kampionëve dhe synimi i tyre është të rikthehen në garë më prestigjioze evropiane.
Sulmuesi Arkadiusz Milik është një hap larg Romës, ndërsa Giallorosët kanë siguruar edhe shërbimet e Chris Smalling.
Mbrojtësi anglez ishte i huazuar edicionin e kaluar nga Man Utd duke treguar formë të lartë.
Roma dhe United kanë arritur marrëveshje për huazim një vjeçar të Smalling, ku Giallorosët do ta kenë mundësinë e blerjes prej 16 milionë euro.
Por përveç anglezit, Roma do ta përforcojë mbrojtjen edhe me italianin Armando Izzo të Torinos.
28-vjeçari do t’i bashkohet Romës si huazim nga Torino, por klubi kryeqytetas do ta ketë obligative blerjen e tij në verën e vitit 2021 për 22 milionë euro.
Kësisoj Giallorosët pritet ta bëjnë një mbrojtje mjaftë të fortë me treshen Gianluca Mancini, Chris Smalling e Armando Izzo.
Zyrtarizimi i këtyre marrëveshjeve nga Roma pritet të bëhet brenda kësaj jave. /Telegrafi/