Houssem Aouar po kalon muajt e fundit si futbollist i skuadrës franceze Lyon.
Mesfushori algjerian me pasaportë franceze si duket ka mësuar emrin e skuadrës së re dhe karrierën do ta vazhdoj te gjiganti italian Roma.
Sky Sport ka raportuar se Roma ka fituar garën për mesfushorin e Lyonit me skuadrat si Real Betis, Napoli, Milan, Union Berlin dhe Eintracht Frankfurt.
Aouar ka qenë të mërkurën në Romë ku besohet se ka nënshkruar kontratën me klubin italiane, kontratë e cila do ta mbajë atë në Olimpico deri në verën e vitit 2028.
24-vjeçari ka gjashtë vite në skuadrën e parë të Lyonit dhe ka qenë ndër lojtarët më të kërkuar në tregun e fundit të transferimeve.
Por gara është fituar nga Roma dhe Aouar do t’i bashkohet gjigantit italian në verë si transferim i lirë.
Kujtojmë që Aouar ka kaluar gjitha grupmoshat te Përfaqësuesja e Francës ku ka edhe një ndeshje me ekipin A, por së fundmi ka bërë kërkesë në FIFA që të luaj për Algjerinë. /Telegrafi/