Trajneri italian, Rodolfo Vanoli, e bënë të arritur marrëveshjen mes tij dhe Federatës së Futbollit të Kosovës.
Ai shihet si zëvendësues i Albert Bunjaku në postin e trajnerit të Përfaqësueses së Kosovës. Vanoli ka treguar për mediat italiane kontaktin me FFK-në, transmeton GazetaOlle.com.
“Po, kam pasur kontakte me persona pranë Federatës së Kosovës, të cilët më kanë pyetur, nëse jam i gatshëm”.
“U kam thënë ‘po’, por me disa kushte, pasi është një kombëtare e vogël dhe e gjitha për t’u ndërtuar nga e para”.
“Ne teknikët italianë punojmë me filozofinë tonë jashtë”, ka deklaruar ai për Tuttomercatoweb.com, duke shtuar se ka kontaktuar me Valon Behramin për t’u konsultuar me të.
“Do të më pëlqente ta merrja këtë iniciativë dhe të nisja një rrugëtim për ta ngritur futbollin kosovar në nivele të rëndësishme”.
“Kosova është kombëtare e re dhe para së gjithash ka nevojë për një qendër teknike. Kam folur me Behramin për të kuptuar disa gjëra, nëse ai dhe të tjerë si Shaqiri, janë gati t’i japin një dorë kombit të tyre, janë të gjithë gati të ndihmojnë apo jo”, ka shtuar Vanoli.
Behrami e Shaqiri luajnë për Zvicrën dhe nuk mund të luajnë për Kosovën, por sipas tij mund të japin kontribut në aspekte tjera.
