Boksieri i njohur Haxhi ‘Robin’ Krasniqi, muaj më parë ka mbrojtur titullin e kampionit të Evropës në kategorinë super të mesme në boksin profesionist (EBU) përballë kundërshtarit të tij, Ronny Landaeta.
Ai është një personazh mjaft i përfolur edhe në mediat rozë, kjo për faktin se ai tash e sa kohë është i fejuar me modelen e njohur, Heidi Lushtaku.
Dyshja janë shumë të lumtur pranë njëri-tjetrit, gjersa shfaqen shpesh së bashku në udhëtime të ndryshme.
Robin së fundmi ka vizituar muzeun ‘Madame Tussauds’ në Londër.
Ai atje po ashtu ka parë nga afër edhe skulpturën e aktores me famë botërore, Angelina Jolie.
Krasniqi ka realizuar një fotografi pranë saj, të cilën më pas e ka publikuar në rrjetin social Instagram.
Duke marrë parasysh bukurinë e saj, Robin ka vendosur të ngacmojë të fejuarën e tij, duke shkruar në mbishkrimin e fotografisë: “Heidi pse s’po më fol?”.
Me këtë ai ka dashur të bëhet romantik duke krahasuar bukurinë e Angelinës me atë të Heidit, me të cilën nëse shikohet nga pamja e kësaj skulpture, kanë njëfar ngjashmërie. /Telegrafi/