Pas kthimit nga Stambolli dhe vendosjes në karantinë në konviktet e studentëve, Robert Berisha kishte reaguar përmes rrjeteve sociale për mungesën e kushteve bazë për të qëndruar aty.
Megjithatë, gjatë një video-prononcimi për emisionin e Ora e Pasdites në Klan Kosova, këngëtari ka kërkuar falje për reagimin e tij duke sqaruar situatën emocionale në të cilën ndodhej pas kthimit në Kosovë.
“Në ditën e parë na është dukur keq, normal kemi qenë nervoz, sepse nuk kemi qenë të informuar se do të na sjellin këtu”.
“Kam qenë dy javë ditë rrugëve dhe mezi prisja të shkoj në shtëpi. Normalisht, edhe ia nisëm pak të bëhemi nervoz dhe kërkoj falje përmes juve publikisht”, ka thënë Roberti.
Më tej, ai ka sqaruar se dikush e ka marrë për të keq reagimin e tij, porse e ka bërë të qartë se nevojitet që t’u bëhen kushtet studentëve.
Në ndërkohë, ai i ka publikuar disa video në InstaStory duke iu përgjigjur sfidave të reja në rrjetet sociale, të cilat i shfrytëzon për ta kaluar kohën gjatë izolimit. /Telegrafi/
