“The Batman” do të vazhdojë me Robert Pattinsonin që rikthehet si mbrojtësi më i ashpër i “Gotham”.
Warner Bros ka zbuluar planet për një tjetër histori të Caped Crusader gjatë prezantimit të së martës në CinemaCon, shfaqje vjetore për pronarët e teatrit.
Regjisori i “The Batman”, Matt Reeves, zbuloi lajmin se do të shkruajë dhe të realizojë vazhdimin, por nuk ka dhënë asnjë detaj shtesë se çfarë saktësisht do të sjellë.
“The Batman”, një aventurë tre-orëshe, debutoi në ekranin e madh në mars, duke filluar me 134 milionë dollarë në vend.
Ky mbetet filmi i dytë i epokës së pandemisë që kapërceu shifrën e 100 milionë dollarëve në një fundjavë të vetme pas “Spider-Man: No Way Home”.
Me 759 milionë dollarë deri më tani në arkat globale, “The Batman” është aktualisht filmi me fitimet më të larta të vitit.
Warner Bros planifikon t’i mbajë filmat e rinj në kinema për 45 ditë përpara se të vendosë titujt e rinj në HBO Max.
Titujt e tij të ardhshëm përfshijnë “Elvis” (24 qershor), “DC League of Super-Pets” (29 korrik), “Creed III” (23 nëntor) dhe “Shazam! Fury of the Gods” (16 dhjetor).
Krahas tyre në vitin e ardhshëm, Jason Momoa do të rikthehet për “Aquaman and the Lost Kingdom” (i caktuar për 17 mars) dhe Ezra Miller do të luajë në “The Flash” (23 qershor). /Telegrafi/
