Këngëtari i njohur, Robert Berisha, muajve të fundit ka qëndruar në Tiranë, kjo për shkak të spektaklit “Dance with me”.
Ai ndërkohë vazhdon të jetë i angazhuar edhe me koncerte e mbrëmje të ndryshme muzikore.
Roberti është po ashtu aktiv dhe shumë i ndjekur edhe në rrjetet sociale, përmes së cilave shpesh ndan me fansat imazhe të ndryshme nga përditshmëria e tij.
Së fundmi, ai ka bërë të ditur se është takuar rastësisht në aeroport me këngëtaren e njohur tropojane, Fatmira Breçnin.
Berisha ka publikuar në InstaStory një fotografi ku shfaqet përkrah këngëtares, ndërsa duket i lumtur që ka pasur rastin të takohet me të.
“Me këngëtaren e famshme shqiptare, Fatmire Breçani”, ka shkruar Robert Berisha në mbishkrimin e fotografisë.
I njëjti pritet që gjatë këtij muaji të jetë mjaft i angazhuar në programe të ndryshme festive, me rastin e afrimit të festave të fundvitit. /Telegrafi/