Këngëtari i njohur shqiptar, Robert Berisha, së fundmi ka qenë në një lidhje të drejtpërdrejtë në emisionin “Shqipëria Live” në Top Channel.
Derisa po flitej për projektet të ashtuquajtura moderne, e me përmbajtje banale në tekst, artisti ka dhënë një deklaratë duke thënë se këta këngëtarë paguhen 15 mijë euro për një performancë ‘playback’ (zë i regjistruar).
Ai thekson se këto klipe duhet bërë që të mos shikohen të paktën nga fëmijët për shkak të paraqitjes së ekzagjeruar të artistëve shqiptarë.
“Këta këngëtarë paguhen 15 mijë euro për 20 minuta performancë playback edhe këta janë në gjendje të arrijnë gjithçka të fitojnë konkurrencën. Unë ta garantoj se tani është pandemi dhe nuk ka koncerte, sa të kaloj kjo pandemi në Evropë e në koncertet në Shqipëri ky këngëtar do ketë dy mijë persona jashtë diskotekës duke pritur në radhë për të hyrë brenda për ta dëgjuar edhe playback”, ka thënë ai.
“Është keqardhje kjo, por ndoshta është mirë që në YouTube që t’i ndërpresin këto të mos i shohin fëmijët”, ka thënë mes tjerash Berisha.
Ndryshe, Roberti pas lehtësimit të masave ndaj COVID-19 ka filluar me koncerte e mbrëmje të ndryshme përreth trojeve shqiptare. /Telegrafi/