Legjenda e Brazilit, Rivaldo beson se Gabriel Jesus po bëhet gjithnjë e më i rëndësishëm për lojën e Manchester Cityt.
Sulmuesi 22-vjeçar është cilësuar nga Rivaldo si njëri nga lojtarët më të mirë në vend, dhe sipas tij ai do të bëhet edhe më i mirë.
“Është bukur të shohësh që lojtarët brazilianë janë shumë të vlefshëm në Angli në ditët e sotme dhe kjo konfirmon vetëm cilësinë e tyre të madhe”, ka thënë fillimisht Rivaldo për Betfair.
“Përmes historisë kemi pasur disa lojtarë shumë të suksesshëm brazilianë në Ligën Premier”.
“Cilësia teknike e lojtarëve brazilianë i përshtatet atmosferave të mëdha dhe fushat e mira lejojnë që ata të performojnë në maksimumin e tyre dhe të motivohen nga tifozët entuziastë”.
“Më duhet të përmend Gabriel Jesus për shkëlqimin e tij te Manchester City”.
“Ai po shënon shumë gola – disa prej tyre vendimtar, siç është ai që shënoi në Bernabeu kundër Real Madridit”.
“[Ai] po bëhet një pjesë e rëndësishme në sistemin e Pep Guardiolas”, përfundoi legjenda braziliane. /Telegrafi/