Legjenda braziliane, Rivaldo do të dëshironte të shihte mesfushorin-sulmues të Juventusit, Douglas Costa, të transferohej te Manchester City .
Douglas Costa është lidhur me City përpara tregut të verës dhe një transferim të tij në Etihad e dëshiron bashkëkombësi i tij Rivaldo.
Rivaldo e ka cilësuar si lojtar të shkëlqyeshëm braziliani, i cili sipas tij do të shkëlqente te City.
“Nëse shikoni në tregun e transferimeve, unë mendoj se Douglas Costa nga Juventus te Manchester City mund të jetë një mundësi interesante”, ka thënë fillimisht Rivaldo për Betfair.
“Costa nuk ka luajtur shumë në Juventus dhe mund të gjejë një fazë më të madhe për të shkëlqyer te City, pasi duket se është një klub që dëshiron ta rekrutojë atë”.
“Një karrierë profesionale është e shkurtër, kështu që do të jetë e rëndësishme të gjesh një klub të ri ku ai mund të luajë më rregullisht”.
“Ai është një lojtar i shkëlqyeshëm që unë me të vërtetë e admiroj”, përfundoi legjenda braziliane. /Telegrafi/