Rita Ora është një ndër këngëtaret më të suksesshme shqiptare në rrafshin ndërkombëtar.
Këngëtarja jonë ka pasur një perfmormancë fantastike në ceremoninë e ndarjes së çmimeve Brit Awards.
Duket se kjo ka bërë që të shtohet interesim për veprat e bukuroshes sonë në shtetin gjerman.
Në fakt, 27-vjeçarja përmes rrjeteve sociale ka bërë të ditur se është rikthyer në vendin e parë të top listave muzikore të Gjermanisë.
Bëhet fjalë për këngën “For You”, të cilën e solli në bashkëpunim me këngëtarin Liam Payne, i cili ishte kolonë zanore e filmit “Fifty Shades of Freed”.
“Faleminderit Gjermania. “For You” sërish në vendin e parë të top-listave zyrtare gjermane”, ka shkruar ndër të tjerash Ora në llogarinë personale në Instagram.
Theksojmë se deri më tani kënga e dyshes është shikuar mbi 52.7 milionë herë në YouTube.
Ndryshe, Rita është duke punuar në këngë të reja, të cilat pritet të jenë pjesë e albumit të ri. /Telegrafi/
