Rita Ora është një ndër këngëtaret shqiptare që ka arritur famë në rrafshin ndërkombëtar.
Kjo ka bërë që bukuroshja jonë të takojë shumë personalitete të ndryshme anembanë planetit tokë.
Një prej tyre është edhe këngëtarja Jennifer Lopez, e cila gjatë ditës së sotme ka festuar përvjetorin e 49 të lindjes.
E duke shfrytëzuar këtë rast, biondina 28-vjeçare ka uruar amerikano-latinen duke e cilësuar edhe frymëzuese e jetës së saj.
“Gëzuar ditëlindjen një nga muze e mia përgjithmonë. J.Lo, mundësisht pa fjalë, buzëqesh dhe je inspirim absolut për të gjithë. Ju uroj ditë të bekuar!”, ka shkruar ndër të tjerash Rita.
Kjo e fundit është duke vazhduar që me sukses të shfaqet në koncerte të ndryshme si dhe së shpejti do të sjell këngë të re.
Ndryshe, Lopez ka festuar ditëlindjen në Bahamas me të dashurin dhe familjarët. Ata kanë pozuar me shishe shampanje në duar dhe e sigurisht e gjithë vëmendja është te Jenny. /Telegrafi/
