Rita Ora tregon fizikun e saj të mahnitshëm, teksa shëtitet e vetme në periudhën e izolimit

Ajo nuk ka lënë që kriza e coronavirusit të ndalojë atë nga puna pasi ajo zbuloi se do të bënte një transmetim live të këngës së saj më të re të premten.

Dhe Rita Ora dukej rrezatuese si gjithnjë kur ajo mori pak ajër të pastër ndërsa pozonte në një fushë të gjelbër, mes bllokimit të vazhdueshëm të Britanisë shkaku i COVID-19.

Këngëtarja, 29 vjeçe, dukej mbresëlënëse me një këmishë të bardhë me shirita rozsë, kombinuar me një palë pantallona të shkurtra të zeza, shkruan DailyMail.

Duke vendosur gjithashtu disa gjerdan ari, Rita ishte veshur siç duhet për shëtitjet e saj, ndërsa merrte vëmendjen e të gjithëve me dukjen tërheqëse.

Krijuesja e hitit “Let You Love Me” përfundoi pamjen e saj duke lënë që flokët e saj bjonde platin të binin lirshëm mbi supet e saj.

Krahas fotografive, ajo shkroi në Instagram: ‘How to be lonely’ live nga Londra nesër! Unë ju dua të gjithëve”.

Rita ka bërë maksimumin e saj për të qëndruar e vendosur në mbyllje këto ditë gjatë pandemisë globale.

Kjo nuk e ka ndaluar atë të publikojë këngën dhe klipin e saj të ri “How to be lonely”, që është pritur mirë nga fansat e saj.

Rita gjithashtu është regjistruar si vullnetare e NHS (Shërbimi i Shëndetit Kombëtar) pasi sipas saj është ‘mirë të jesh në gjendje të ndihmosh’.

Kjo vjen pasi nëna e saj punon për NHS si psikiatre, teksa këto ditë është kthyer në vijën e parë tëfrontit duke shërbyer si mjeke e përgjithshme në repartin e Emergjencës.

Vera Sahatçiu Ora është kthyer në senzacionin e mediave britanike si nëna e këngëtares me famë botërore, e cila së bashku me të gjithë mantel-bardhët anë e mbanë globit, po bëjnë maksimumin për normalizimin e situatës. /Telegrafi/