Këngëtarja shqiptare me famë botërore, Rita Ora, tregoi së fundmi se kishte planifikuar një projekt të veçantë gjithëpërfshirës për fansat e saj.
Bëhet fjalë për një pavijon të improvizuar në mënyrë dixhitale – një hapësirë që i bën vizitorët të përjetojnë këngën e saj më të fundit, “How to be lonely”.
Rita e kishte menduar hapjen e këtij pavijoni për fansat, por që periudha e vetë-izolimit të COVID-19, bëri që për momentin hapësira të vizitohet vetëm nga ekipi i Ritës.
Kështu këngëtarja Ora publikoi në rrjetin social Instagram një video, të realizuar nga ekipi i saj benda ambienteve të ekspozitës, ku janë shkruar vargjet e këngës “How to be lonely”, si dhe janë inskenuar disa nga skenat e klipit.
“Kaq e lumtur që më në fund e ndaj këtë me ju të gjithë! “How to be lonely” në një eksperiencë gjithëpërfshirëse dixhitale! E dua këtë shumë, unë jam shumë e lumtur që arritëm të gjenim një mënyrë për t’ju treguar të gjithëve! Kjo video tregon sesi duhej të ishte, por mund ta jetoni atë në mënyrë dixhitale. Shpresoj që të gjithë ta doni aq sa unë! Shkoni dhe eksploroni në howtobelonely.co.uk !”, shkroi Ora në mbishkrimin e videos në Instagram.
Kështu, ajo ua bëri me dije fansave që në pamundësi për ta vizituar këtë pavijon fizikisht, ata mund ta bëjnë atë virtualisht përmes linkut që shkroi në mbishkrimin e videos.
“How to be lonely” përndryshe është kënga eparë e Rita Orës për vitin 2020, e cila është pritur shumë mirë nga fansat e këngëtares dhe klipi i saj i veçantë është diskutuar shumë në media. /Telegrafi/
