Këngëtarja shqiptare e njohur ndërkombëtarisht, Rita Ora, ka mbajtur së fundmi një koncert gjigant në Londër.
Ajo ka performuar në “The O2 Arena”, për mijëra adhuruesit në qytetin e saj ku u rrit.
Rita ka interpretuar live të gjitha këngët e saj nga albumi më i ri “Phoenix”, të cilin ajo e lansoi në nëntor të vitit të kaluar.
Për performancën e saj të veçantë, këngëtarja shqiptare kishte realizuar përgatitjet prej disa ditësh me balerinët e saj.
Në një nga videot e publikuara në rrjetet sociale, shfaqet momenti kur me ndihmën e mjeteve skenike, Rita duket sikur interpreton në ajër.
Ajo ishte e lidhur me një litar të sigurt akrobacie, me çka i mundësoi këndimin në atë pozicion.
I ftuar special i mbrëmjes ishte reperi i njohur Sean Paul, me të cilin artistja me prejardhje shqiptare interpretoi disa këngës.
Nga pamjet e publikuara, vërehet se atmosfera ka qenë e zjarrtë dhe turma e fansave nuk ka munguar.
Rita aktualisht është në përfundim të turneut të saj, i cili është bërë me qëllim të promovimit të albumit dhe mban po të njëjtin titull, “Phoenix Tour”. /Telegrafi/