Këngëtarja shqiptare me famë botërore, Rita Ora, krenohet gjithmonë me vendlindjen e saj.
Ndonëse jeton dhe vepron në Britaninë e madhe, ajo nuk heziton që të shpreh ndjenjat e saj të patriotizmit kudo.
Së fundmi, Rita ka rishpërndarë në InstaStory një video, të realizuar gjatë vizitës së saj, në 17 shkurtin e vitit 2018.
Aso kohe ajo u kthye në vendlindje për të performuar në koncertin madhështor në qendër të kryeqytetit, për të shënuar 10-vjetorin e Pavarësisë së Kosovës.
Videoja në fjalë është realizuar me një nga fëmijët e familjes së saj, që Rita e ka kushëri, ku shihej duke pyetje rreth koncertit teksa shikonin nga dritarja skenës.
Rita dëgjohet dokur folur shqip me kushëririn e saj të vogël, ndërsa qesh me pyetjet e shumta që parashtron.
Ajo i thotë se nuk e di se kush do të këndojë në koncert, duke mos zbuluar kështu që ajo do të ishte ylli i mbrëmjes.
“Gjithnjë reprezantoj shtetin tim”, ka shkruar Ora në mbishkrimin e kësaj videoje të shpërndarë në InstaStory, referuar edhe flamurit kombëtar me të cilin ek a shoqëruar mbishkrimin.
Këngëtarja e lindur në Prishtinë u rikthye në vendlindje edhe këtë vit, në fillim të muajit prill, ku së bashku me UNICEF ndërmorën disa iniciative bamirëse për fëmijët në nevojë. /Telegrafi/
