Këngëtarja shqiptare me famë ndërkombëtare, Rita Ora, ka bërë një paraqitje të mahnitshme në gjysmëfinalen e “The Voice Australia”.
Ajo ka ndarë një set fotografish në rrjete sociale, ndërsa ka prezantuar ‘look’-un unik dhe fustanin po ashtu mjaft interesant.
Me një nuancë të ngjyrës së vjollcë të lehtë e me flokët kaçurrela të kapura, biondja ka marrë gjithë vëmendjen.
“Unë nuk mund të besoj se jemi pothuajse në fund të The Voice Australia. Gjysmëfinalja me ekipin tim të mrekullueshëm #EkipiRita”.
“Kush mendoni se do të fitojë?”, është shprehur më tej 30 vjeçarja.
Pozat e ndryshme të Orës, të cilat i ka ndarë me 16 milionë fansat, morën komplimente të shumta dhe tejet pozitive.
Interpretuesja e hitit “Anywhere” nga ana tjetër ka nisur përgatitjet për të performuar në Paris më 30 shtator në një shfaqje të quajtur “Rita Ora Live From The Eiffel Tower”.
Evenimenti do të zhvillohet në kuadër të Javës së Modës në Paris dhe biletat për ngjarjen tanimë veçse janë në dispozicion.
Ylli nga Kosova nuk ka dyshim se do të interpretojë disa nga hitet më të njohura që ka realizuar ndër vite. /Telegrafi/