Rita Ora ka një sens të jashtëzakonshëm stili dhe ajo kurrë nuk ka pasur frikë ta tregojë atë.
Dhe të mërkurën, këngëtarja shqiptaro-britanike, u shfaq e mrekullueshme në një veshje të markës “Chanel” me vlerë 12,440 dollarë (afro 10,300 euro) ndërsa shijoi një natë në Sydney për të festuar 100 vjetorin e parfumit ikonik ‘Nr.5’ të shtëpisë së modës franceze.
Ylli i muzikës pop ishte e veshur e tëra në të zezë, me një veshje të përbërë nga një bluzë e zezë 6550 dollarëshe dhe pantallona gjysmë të tejdukshme të cilat kushtojnë rreth 5890 dollarë.
Këngëtarja e hitit “Hot Right Now” kombinoi ansamblin elegant me një palë taka të zeza dhe mbante disa gjerdanë të “Chanel”.
Rita i ktheu flokët e saj në brune, ndërsa vuri pak makijazh, që karakterizohej kryesisht nga buzëkuqi i kuq.
Këngëtarja mbajti një çantë të vogël bardh e zi ndërsa pozonte në tapetin e kuq pak pasi mbërriti në ngjarje.
Kjo paraqitje e Ritës vjen mes thashethemeve që ajo ka nisur një lidhje të re me regjisorin e filmit “Thor”, Taika Waititi gjatë qëndrimit të saj në Australi për spektaklin “The Voice”.
Sipas The Sun, Rita dhe Taika nuk e kanë fshehur se janë së bashku në mesin e miqve të tyre të famshëm dhe gjërat mund të bëhen serioze.
“Ata kanë qenë një çift që nga fillimi i marsit. Sidoqoftë, të gjithë miqtë e tyre dinë për marrëdhënien. Ata janë vërtet me njëri-tjetrin”, i tha një burim mediumit britanik.
Javën e kaluar, interpretuesja e hitit “Lonely Together” publikoi një fotografi me Taikan në Instagram, ku shihej e mbështjellë në krahët e tij. /Telegrafi/
