Rita Ora, 33 vjeçare, mbuloi fytyrën e saj me një çantë të zezë të markës “Hermès Birkin” në vlerë prej 28,000 dollarësh (26,300 euro) teksa kalonte përmes terminalit të aeroportit.
Këngëtarja dukej në super formë, veshur me leginse të ngushta, kombinuar me një bluzë të zezë, teksa shtoi një notë ngjyre me atlete të shndritshme të verdha dhe të kuqe, si dhe me çorape të pëlhurës së lidhur ngjyrë blu dhe të bardhë.
Gjithashtu, ajo mbante një maskë leopardi dhe flokët e saj të verdhë të ndritshëm i mbante larg fytyrës me një shirit të zi për kokën, shkruan DailyMail.
Rita së fundmi ka udhëtuar rreth Zelandës së Re me bashkëshortin e saj regjisor, Taika Waititi, duke eksploruar gjithçka që ofron vendi.
Duke dhënë një pasqyrë të udhëtimeve të saj, trajnerja e mëparshme e “The Voice Australia” ka publikuar fotografi dhe video të vetes duke fluturuar me helikopter mbi një ujëvarë dhe duke eksploruar malet e mbuluara me borë në Queenstown.
Rita ka kaluar javët e fundit duke udhëtuar vajtje-ardhje midis Zelandës së Re dhe Australisë së bashku me bashkëshortin e saj Taika – i cili është nga Raukokore – dhe motrën e saj Elena.
Para se të fluturonte për në Zelandën e Re për udhëtimin e tyre të fundit, Rita kaloi fundjavën e Pashkëve në Sydney, ku u pa duke u takuar me shoqen e saj, dizajneren e modës Pip Edwards.
Të dyja u panë duke buzëqeshur në foto bikini së bashku me shokun e tyre Anna Lahey derisa shijonin plazhin.
Rita dhe Taika, të cilët u martuan në gusht të vitit 2022, ndajnë kohën e tyre midis Londrës dhe Zelandës së Re – ku jetojnë dy vajzat e Taikas, të cilat i ndan me ish-bashkëshorten e tij Chelsea Winstanley.
Rita është gjithashtu e njohur në brigjet australiane, ku kalon shpesh kohë duke punuar si trajnere në spektaklin e talenteve të reja, “The Voice Australia”. /Telegrafi/
