Rita Ora mahnitet nga dhoma e fanses së zjarrtë, pasi komunikoi me të në lidhje direkte në rrjetet sociale

Këngëtarja shqiptare me famë botërore, Rita Ora, së fundmi lansoi këngën e saj më të fundit “Let you love me”.

Kjo këngë është pritur mirë nga fansat e saj, teksa më 23 nëntor, këngëtarja po bëhet gati të lansojë të plotë albumin e saj të dytë “Phoneix”.

Rita Ora është e dashur nga miliona fansa në mbarë botën, dhe është shumë e lidhur me ta.

Ajo numëron afro 14 milionë ndjekës në Instagram, rrjet social ky në të cilin këngëtarja shqiptare është mjaft aktive.

Së fundmi, Rita ka hapur zemrën e saj, duke i mundësuar një komunikim direkt në rrjetet sociale, një prej fanseve të saj më të zjarrta.

Lexo po ashtu Rita sërish me imazhe atraktive në Instagram, vë në pah linjat trupore ndërsa gëzon suksesin e këngës së fundit

Në videon e shpërndarë në internet, Rita shihet teksa bisedon me fansen e saj, ndërsa ndjehet e befasuar kur sheh që muri në dhomën e fanses është i mbushur me fotografi të saj.

Rita me shaka i thotë asaj se ka murin më të bukur në botë, ndërsa e pyet nëse i ka pëlqyer kënga e saj e fundit, “Let you love me”.

Fansja i përgjigjet duke i thënë se kënga i ka pëlqyer jashtë mase dhe se po e dëgjon atë vazhdimisht në veturë dhe kudo tjetër. /Telegrafi/