Ajo ka shumë arsye për të festuar pasi “The Voice Australia” u dëshmua se ishte një goditje e shikueshmërisë me gati dy milionë shikues që ndoqën premierën live.
Dhe Rita Ora dukej se ishte në një gjendje shpirtërore u shfaq me një veshje ngjyrë vjollce tërheqëse, ndërsa ishte në Paris të premten, shkruan DailyMail.
Këngëtarja, 30 vjeçare, vuri në pah barkun e saj të tonifikuar, ndërsa kishte veshur një kostum prej sateni me shkëlqim.
Rita tregonte vetëbesim teksa lëvizte nëpër rrugë dhe shfaqi figurën e saj të bujshme trupore, teksa ishte veshur në ansamblin e saj elegant.
Ylli me prejardhje shqiptare mbante me vete një çantë dore, ndërsa kishte veshur një palë taka të po së njëjtës ngjyrë.
Asnjëherë për të mos harruar aksesorët e saj, Rita kishte zgjedhur të vinte një palë syze dielli të lezetshme, teksa kishte zgjedhur një gjerdan të bukur për të kompletuar pamjen e saj.
Paraqitja e Ritës në Paris vjen pasi rreth 1.33 milionë njerëz e shikuan episodin e parë të sezonit 10 të “The Voice Australia” në pesë qytetet kryesore – Sidney, Melburne, Brisbane, Adelaide dhe Perth.
Kjo shifër u rrit në 1.91 milionë në shkallë vendi, kur u përfshinë shikuesit rajonalë.
Konkursi i këndimit pothuajse dyfishoi audiencën e “Nine’s The Block” (747,000 shikues) dhe gjithashtu la prapa “Survivor Australian” me 609,000.
“The Voice Australia” organizohet nga Sonia Kruger këtë vit, dhe paneli i jurisë përfshin emrat e njohur si: Rita Ora, Guy Sebastian, Jessica Mauboy dhe Keith Urban. /Telegrafi/
