Rita Ora lanson këngën “Cashmere”

Këngëtarja e famshme nga Kosova, Rita Ora, e ka publikuar këngën e re me titull “Cashmere”.

Projekti i ri muzikor është lansuar edhe në YouTube, por vetëm në versionin audio.

“Cashmere” do të jetë pjesë e albumit të ri të 27-vjeçares që do të publikohet më 23 nëntor.

Lexo po ashtu Lajmet për Rita Orën

Albumi i ri mban titullin “Phoenix”, ndërsa në lansimin e këngës së re, Rita i ka njoftuar fansat se mund t’i porositin që tani materialet e reja muzikore.

Pas publikimit të albumi, këngëtarja shqiptare do të niset në turne koncertesh për promovimin e këngëve të reja.

Ritheksojmë se viti 2018 ka qenë shumë i suksesshëm për karrierën muzikore të Rita Orës, e cila ka sjellë disa këngë që janë shndërruar në hite.

“Let You Love Me” është një prej këngëve më të fundit të lansuara me videoklip.

Videoja muzikore e kësaj kënge u publikua në fund të muajit shtator dhe tashmë ka kaluar shifrën prej 100 milionë shikimesh në YouTube. /Telegrafi/