Në një natë mbushur me yje dhe mrekulli, këngëtarja shqiptare me famë botërore, Rita Ora, ka qenë ndër artistet e ftuara për të nderuar një figurë legjendare të televizionit amerikan.
Rita Ora mbërtheu vëmendjen e të gjithëve me performancën e saj të jashtëzakonshme në eventin “Dick Van Dyke: 98 Years of Magic”, i organizuar për të festuar ditëlindjen e 98-të të ikonës së kinematografisë dhe televizionit, Dick Van Dyke.
33-vjeçarja, e njohur për zërin e saj të fuqishëm dhe praninë skenike, ka zgjedhur të interpretonte këngën e famshme “Supercalifragilisticexpialidocious” nga filmi i vitit 1964 “Mary Poppins”, një këngë që Van Dyke e kompozoi për filmin që ka hyrë ndër klasikët e paharruar.
Me këtë zgjedhje, ajo jo vetëm që nderoi aktorin e madh, por gjithashtu ngjalli ndjenja nostalgjike dhe admirim në mesin e të pranishmëve.
Performanca e Ritës është dokumentuar dhe ndarë me fansat në profilin e saj në Instagram, ku ajo postoi disa fotografi dhe video nga paraqitja e saj.
@cbs♬ original sound – CBS
Rita dukej e mahnitshme, e veshur me një kostum të kuq festive që përshtatej me atmosferën e ngrohtë të festës, duke dërguar një mesazh gëzimi dhe festiviteti.
Gjithashtu, prezencë e saj në këtë event ka konfirmuar edhe njëherë aftësinë e saj për të rrëmbyer audiencën dhe për të qenë në qendër të vëmendjes, jo vetëm për talentin e saj muzikor, por edhe për shkak të stilit dhe elegancës që ajo përçon.
Performanca e saj ishte jo vetëm një tribut për Van Dyke, por edhe një moment festiv që shtoi atmosferën magjike të këtij eventi të veçantë. /Telegrafi/
