Liam Payne dhe Rita Ora janë parë më afër se kurrë gjatë kohës së fundit.
Dyshja fillimisht u panë duke performuar në mbrëmjen e ndarjes së çmimeve MTV Video Awards, duke kënduar këngën “For You”, të cilin e kishin sjell muaj më parë me videoklip.
Por, artistët kanë ndjekur për së afërmi një koncert të shqiptares tjetër, Bebe Rexha, me të cilën biondina është mikeshë e mirë.
Payne dhe Ora dukeshin në humor të mirë teksa argëtoheshin në krah të njëri-tjetrit në prapaskenë të koncertit gjersa në prapavijë dëgjohet kënga “Meant to Be”.
Theksojmë se muaj më parë u raportua se këngëtarët kanë filluar një romancë mes tyre, por që deri më tani nuk kishte asnjë dëshmi që janë së bashku.
Payne kohët e fundit i kishte dhënë fund lidhjes me këngëtaren Cheryl gjersa Rita është parë në krahët e Andrew Watt.
Ndryshe, Rita së fundi ka fituar çmimin “Bashkëpunimi më i mirë” në ngjarjen e lartcekur në saje të bashkëpunimit me DJ e ndjerë Avicii.
Ora aktualisht është duke punuar në projekte të reja muzikore për albumin e radhës. /Telegrafi/
