Rita Ora u pa duke lënë një aeroplan privat me miq të profilit të lartë si: Chris Hemsworth dhe Matt Damon.
Këngëtarja dhe aktorja, 30 vjeçe, përfundoi xhirimet në “The Voice Australia”, para se të shijonte një fundjavë larg me miqtë e saj të famshëm.
Rita kaloi 14 ditë në karantinën e hotelit përpara xhirimeve të spektaklit të talenteve, ku ishte ftuar të ishte anëtare e jurisë, shkruan The Sun.
Ajo shijoi izolimin e saj në një vend luksoz me pesë yje përpara se të lejohej të shijonte vendet e Australisë, relativisht pa COVID-19.
Që atëherë, ylli i “Fifty Shades” është takuar me rrethin e saj të ngushtë, miq të listës A, duke përfshirë të famshmit si: Russell Crowe, Isla Fisher dhe gruan e Chris Hemsworth, Elsa Pataky.
Dhe dje, ajo dukej pothuajse e panjohshme në fundet e gjelbra të veshjeve sportive dhe një xhaketë gri të gjërë, ndërsa u drejtua për në Sydney nga udhëtimi i saj në Gold Coast.
Rita dukej rehat pas fluturimit të saj të shkurtër me yjet e filmit: Matt, Chris dhe Elsa, si dhe regjisoren Taika Waititi.
Ylli i filmit “The Marsian”, Matt, 50 vjeç, veshi një bluzë gri me mëngë të gjata, të shoqëruar me pantallona të errëta dhe një kapele bejsbolli.
Muajin e kaluar, udhëtimi i Ritaës në Down Under u kritikua nga zëdhënësja e çështjeve të brendshme të opozitës australiane, e cila tha se këngëtarja kishte përparësi mbi ndaj 40,000 qytetarëve të bllokuar jashtë vendit për shkak të një kufiri për njerëzit që mbërrinin në vend.
Këngëtarja e lindur në Londër, e cila mund të shihet në filmin e ri “Twist”, u përplas me deklarata nga Kristina Keneally, e cila i tha The Guardian se vendi i saj në karantinë erdhi në kurriz të australianëve që përpiqeshin të ktheheshin në shtëpi.
“Është një shembull tjetër i (Kryeministrit) Scott Morrison duke lënë pas australianët”, tha ajo.
“Ka ende 40,000 australianë të bllokuar jashtë shtetit. Çdo njeri i famshëm që zë një vend në karantinë është një vend i mohuar për një australian të bllokuar”.
Sidoqoftë, Forca Kufitare Australiane i tha Times se përjashtimet e udhëtimit për prodhimet filmike dhe televizive ishin “konsideruar atje ku ka prova të përfitimit ekonomik që prodhimi do të sjellë në Australi dhe mbështetje nga autoriteti përkatës shtetëror”. /Telegrafi/
