Rita Ora tashmë ka shkelur pothuajse çdo kufi të suksesit të saj si artiste në skenë, por edhe me paraqitjet e saj të shumta nëpër gazeta e revista me renome botërore.
Pasi u paraqit në ballinën e revistës prestigjioze “Glamour” në muajin korrik, ajo së shpejti do të paraqitet edhe në faqen e parë të revistës tjetër “Wonderland”.
Këtë e ka bërë me dije vetë këngëtarja Rita Ora përmes rrjeteve sociale.
“Në skenë për fotografinë e ballinës së “Wonderland Magazine”! Së shpejti”, ka shkruar Rita.
Kujtojmë se bukuroshja shqiptare që po korr suksese në botë me muzikën e saj, para pak ditësh qëndroi në Prishtinë ku mori pjesë në dasmën e një çifti. Ardhja e saj në vendlindje bëri bujë edhe në mediat botërore, të cilat mbuluan këtë ngjarje duke e vlerësuar Ritën për dukjen.
