Rita Ora ka treguar për numrin e fundit të Cosmopolitan se edhe ajo është njeri dhe ka nevojë për këshilla nga profesionistët.
Këngëtarja shqiptare përveç që shfaqet në ballinë dhe në një sesion të mrekullueshëm fotosh, ka zbuluar edhe disa nga gjërat për të cilat nuk ka folur më herët.
Ndër të tjera, ajo ka treguar se punon shumë dhe i merr gjërat shumë seriozisht, gjë që i shkakton shumë stres dhe lodhje, transmeton lajmi.net.
E kjo është arsyeja pse Rita ka vendosur të shkojë të paktën një herë në javë që të konsultohet më një psikolog dhe të marrë veten nga gjithë ky stres, e madje i sugjeron njerëzve që ta bëjnë më shpesh këtë, pasi asaj i ka ndihmuar shumë.
