Këngëtarja nga Istogu, Rina Balaj, vetëm pak ditë më parë publikoi albumin e ri “MM” në bashkëpunim me të dashurin e saj, Sin Boy.
Në kuadër të këtij albumi, 21-vjeçarja ditën e sotme (e enjte) ka prezantuar këngën e re “Sari”, të cilën po ashtu e solli në duet me partnerin e saj të ri.
Projekti vjen i kompletuar edhe nga ana vizuale, teksa Rina mori vëmendje të madhe me paraqitjen atraktive e skenat provokuese.
Çifti shfaqen mjaft të dashuruar edhe në klip, të cilët janë munduar që edhe në këtë projekt të shfaqin harmoninë që kanë në jetën e përditshme.
Përveç në YouTube, kënga u lansua e plotë edhe në platformat e tjera muzikore përfshirë, iTunes, Spotify etj.
Të njëjtit kanë qenë të izoluar tash e disa muaj në Durrës dhe atje kanë punuar për projektet e klipet e reja.
Përndryshe, Rina dhe Sin Boy bënë publike lidhjen e tyre në dhjetor të vitit që lamë pas, muaj pasi reperja u largua nga labeli “ON Records”. /Telegrafi/