Këngëtarja e njohur Kaltrina Selimi po i rikthehet muzikës me një projekt të ri, që do ta sjellë në bashkëpunim me këngëtarin e njohur Alban Mehmeti.
Në një bisedë për Telegrafin, Kaltrina ka zbuluar ekskluzivisht detajet e këngës së tyre më të re, e cila titullohet “Zemra jem”.
“Pas bashkëpunimit të projektit tonë të përbashkët të cilin e kemi realizuar festën e fundvitit lindi ideja edhe për një tjetër bashkëpunim të radhës por ndryshe nga ai i kaluari sepse kjo këngë do i përket zhanrit pop, të cilin e kemi kultivuar vazhdimisht. Kënga më e re është në bashkëpunim me Alban Mehmetin është në përfundim, shumë shpejt do jetë në media për publikun për të gjithë fansat e muzikës tonë. Kënga është shumë e këndshme dhe verore, e realizuar nga kantautori shumë i talentuar Irkenci, i cili është përkushtuar në maksimum”, ka thënë Kaltrina Selimi për Telegrafin.
E njëjta, ka nisur sot xhirimet e klipit më të ri, në të cilin do të vijë mjaft tërheqëse me pamjen e saj.
Ajo ka ndarë me fansat në rrjetet sociale disa fotografi nga prapaskenat, ku tregon dukjen e saj plot elegancë në një fustan të kuq.
Klipi i plotë pritet të publikohet brenda dy javësh. /Telegrafi/