Grupi Marigona është rikthyer me projekt të ri pas shumë kohësh.
Në stil tipik siç njihet grupi, kënga është tejet e bukur, duke begatuar skenën muzikore me këtë krijim të ri.
“Ku Je” shënon rikthimin e Marigonës, me frontmenin Vullnet Sefajën.
Muzika është punuar nga Ilir Tolaj, ndërsa teksti nga Ilir Maqastena.
Fatlum Hajrullahu, Valon Mustafa dhe Lluka Murati janë përkujdesur për videoklipin e këngës.
“Ku Je” është një prej atyre këngëve që i ka munguar skenës muzikore, aq sa nuk munguan edhe komentet pozitive në YouTube.
“Flm që u rikthyet. Suksese”, ka shkruar një adhurues i grupit në YouTube.
Marigona është një prej grupeve shqiptare që ka lënë gjurmë me hitet e tyre. /Telegrafi/