Negociatat për zgjerimin e koalicionit qeveritar po përfundojnë. Procesi që filloi pesë muaj më parë, pritet të përfundojë javën e ardhshme me ndarjen e resorseve ministrore. Për momentin, ende nuk dihet se cilat parti do t’i bashkohen koalicionit aktual. Jozyrtarisht, një nga resorset është caktuar për partinë Besa të krahut të Afrim Gashit, ndërsa për Partinë Demokratike Shqiptare një ministri pa protofol, me të cilën më parë udhëhiqej nga kryetari aktual i Strugës, Ramiz Merko, përcjell Telegrafi Maqedoni.
Besa e Kasamit pritet të vazhdojë në opozitë. Sipas burimeve tona, Partia e Gashit do të marrë një ministri që i përket SDSM-së, por ende nuk dihet se cilin resors do të japë Zaev për tre deputetët të Gashit në Kuvend. Kryeministri thotë se negociatat kanë arritur në fazën përfundimtare.
As nga partia e Gashi as nga PDSH nuk njoftojnë detajet se çka u ofrua atyre gjatë negociatave. Mësohet se dy deputetë të Partisë Socialiste janë gati të largohen nga koalicioni opozitar i udhëhequr nga OBRM-PDUKM. /Telegrafi/