Rihanna vodhi vëmendjen në “Super Bowl 2023” me performancën e saj në pjesën e parë, gjatë së cilës zbuloi se është shtatzënë me fëmijën e dytë me të dashurin ASAP Rocky.
Këngëtarja e “Work”, 34-vjeçe, u shfaq në Arizona të dielën mbrëma, e veshur me një pallto Alaia të stilit Andre Leon Talley dhe një xhaketë Loewe.
Ajo e ka shoqëruar pamjen me një palë atlete MM6 Maison Margiela x Salomon Cross (335 euro), po ashtu kishte vënë dhe një orë të markës Jacob & Co.
Ora mahnitëse kushton afro 70 mijë euro, falë rripit dhe kornizës të veshur me diamant të mbushur me 360 gurë (në total me vlerë më shumë se 10 karat).
Pjesa më e vlefshme e veshjes së saj, megjithatë, ishte një unazë Bayco me një rubin të rrallë natyral, prej 19,47 karatësh dhe 5,66 karat diamante brilante të prera trilionë dhe të rrumbullakët, të vendosur në platin dhe ar të verdhë 18 karat.
Një përfaqësues i markës ka thënë për Page Six Style se xhufka vlen 1 milion euro.
Sikur të mos mjaftonte kjo, ylli i “Bad Gal” grumbulloi gjithashtu shumë vathë diamanti.
Bazuar në stile të ngjashme nga faqja e internetit e markës, vetëm ‘veshët e saj’ mund të kishin një vlerë rreth 11 mijë euro.
Rihanna gjithashtu zbukuroi kostumin e kuq me tre karfica diamanti të dizajnuara nga Joseph Saidian and Sons, të cilat ekspertët nga shitësi me pakicë në Mbretërinë e Bashkuar, Steven Stone, thonë se mund të vlejnë gjithsej 125 mijë euro.
Kjo ndërkohë ishte performanca rikthyese e Rihannas pas një pauze prej shtatë vitesh. /Telegrafi/
