Dua Lipa po thyen të gjitha kufinjtë me hitin e saj të fundit “New Rules”.
Teksa po bën gati albumin e ri për të depërtuar në tregun amerikan, duket se ajo këtë e ka bërë ende pa e lansuar albumin e ri.
Hiti i fundit “New Rules” që arriti mbi 100 milionë klikime për një muaj, po dëgjohet tej mase në Amerikë.
Pasi okupoi pozitën e parë në Spotify në Britaninë e Madhe, tash një sukses edhe më të madh ajo e ka arritur në SHBA.
Në top listën e 40 hiteve më të mëdha në SHBA, ajo ka bërë diferencën duke tejkaluar hite të mëdha për të zënë vendin e parë në platformën muzikore Spotify.
Dua po punon në lansimin e albumit të ri, por sigurisht se u befasua nga suksesi i “New Rules” që e ka vënë atë në pozitë për t’i konkurruar top yjet botërore. /Telegrafi/
