Rezidenca e Liam Payne në Florida, e cila kishte një qira mujore prej 9,500 dollarësh, ka rikthyer në treg për qira pas vdekjes tragjike të këngëtarit.
Shtëpia, një vilë me pesë dhoma gjumi, ndodhet në Wellington, një zonë ekskluzive në Florida e njohur për aktivitetet e saj me kuaj.
Pas largimit të Liam dhe të dashurës së tij, Kate Cassidy, vetëm disa javë para ngjarjes fatale, rezidenca u rendit në fund të tetorit për një çmim prej 9,950 dollarë në muaj, shkruan DailyMail.
Liam, ish-anëtar i grupit One Direction, dhe Kate, e dashura e tij 25-vjeçare, ishin transferuar në këtë shtëpi verën e kaluar.
Ata kishin ndarë me ndjekësit e tyre në rrjetet sociale momente nga shtëpia e re, përfshirë një video ku Liam krenohej me pamjet e mrekullueshme të rezidencës në një stil spanjoll.
Rezidenca, e cilësuar si një luks i vërtetë, ndodhet në një komunitet të mbyllur dhe është e rrethuar nga pemë palme.
Ajo ka pesë dhoma gjumi, gjashtë banja, një pishinë me ujë të kripur dhe ujëvara, si dhe mundësi për aktivitete të tjera si palestër, spa dhe fusha tenisi.
Liam dhe Kate ishin transferuar në Florida për të kaluar një periudhë më të qetë pas një periudhe stresuese, por vetëm disa ditë para vdekjes së tij tragjike, Liam ra nga një ballkon i hotelit luksoz në Buenos Aires.
Raportet sugjerojnë se ai mund të kishte konsumuar alkool dhe drogë në momentin e incidentit, ndërkohë që Kate ishte larguar për në Florida dy ditë para ngjarjes. /Telegrafi/
