Rexhep Selimi ka kujtuar përmes një postimi në Facebook, Ismet Jasharin, komandant Kumanovën.
Ai e ka quajtur atë simbol domethënë të bashkimit të shqiptarëve në luftën për liri të Ushtrisë Çlirimtare të Kosovës.
“Ai sot ka përvjetorin e rënies. Kush do që ta nderojë sot Ismet Jasharin, kushdo që sot hedh lule mbi varrin e tij, kushdo që sot i kushton vargje e kënge… nuk duhet as ta fsheh e as ta harrojë idealin e tij.”
“Ai është heroi i idealit të bashkimit të shqiptarëve që luftuan bashkë për të qenë të lirë e të bashkuar si komb. Nuk mund të ketë nderim më të madh për heroin se sa t’ia nderojmë dhe t’ia qojmë përpara idealin e tij. Rroftë ideali i Ismet Jasharit për çlirim e bashkim kombëtar. Rroftë ideali i dëshmoreve të Ushtrisë Çlirimtare të Kosovës!”, ka shkruar Selimi, përcjell Telegrafi.