Sot janë bërë 19 vjet nga vdekja e ish-presidentit të Kosovës, Ibrahim Rugova.
Në orët e mëngjesit, presidentja e vendit, Vjosa Osmani dhe përfaqësues të korit diplomatik në vend kanë bërë homazhe tek varri i Presidentit Ibrahim Rugova në 19-vjetorin e vdekjes.
Osmani në një deklaratë për media tha se presidenti Rugova ishte largpamës, politikan i jashtëzakonshëm që politikës i solli dimensionin human të saj, që i mungonte.
E në mesditë, para Kuvendit të Kosovës, para bustit të presidentit të ndjerë, Ibrahim Rugova është ekspozuar vetura me të cilën udhëtonte.
I pranishëm në këtë ceremoni ishte edhe Elez Nikçi, ish-truproja e presidentit Rugova. /Telegrafi/
